Busuak Hati

Oleh : Syofina,  Mahasiswa Universitas Andalas

Di minangkabau,adolah sabuah kampuang,nan banamo kampuang tanjuang nan warga nyo suko pagunjiang jo busuak hati mancaliak urang sanang,sakutiko kakak denai ko di kandak an dek urg (dilamar) dek urang nan labiah bapitih (orang yang kaya), dek denai jo keluarga hanyo urang nan bisa di kecek an serba kurang atau bansaik lah di mato urang kampuang ko, jadi adolah urang muko rumah denai ko inyo nan labiah busuak hati namo nyo cidan,bisa-bisanyo cidan ko ngecek  “gadang lah hati supik nyo baminantu urang kayo” mungkin dek kami bangsaik ndak bapunyo ko, kok dapek di mato nyo kami ko susah jo lah taruih.
Nah sampai lah dimano kami mambuek silamak lai,awal mulo nyo urang rami nak manolongan antah urang tu mancari muko dek kami besanan jo urang kayo atau memang dari hati nyo nan tulus nolongan kami.Barapo bulan kamudian tibo lah pas akak denai ko baralek lai,jadi masak-masak lah gitu kan urang kampuang ko, urang kampuang ko tau kalau kami urang ndak bapunyo mambali untuak ka di samba pun kami ma utang dek urang nan busuak hati ko malah mamporotan kami,kami masak-masak di lakang rumah dakek rumah cidan tu,jadi si cidan ko tukang masak e lah satiok apo pun nan di masak nyo pasti nyo suruak an nyo,wakatu itu etek-etek ko masak samba lado ijau itu di masak nyo hanyo sakuali manangah banyak nyo padahal itu ka di baok kalua untuak tamu,tapi etek-etek lakang tu di bagi-bagian lah untuak inyo ciek-ciek surang dan itu indak lo sagetek do sapiriang panuah lo nan di ambiak nyo nan di baok kalua hanyo sacambuang gadang banyak e nyo itu pun indak lo panuah do, otomatis itu indak sampai jadi di bali lah ayam tambahan nyo sapuluah ikua lai itu pun indak lo sampai, jadi denai binguang antaro inyo busuak hati antah inyo morotan kami se indak sampai situ se do salasai kami acara tu, indak ado etek-etek tu yang manolongan lai do tapi inyo hanyo tibo untuak mintak samba nan sudah di angek-angek an,duo hari sasudah baralek urang kampuang tu alah mulai cuek kayak inyo indak suko se kami besanan jo urang nan kayo dan ado lo urang nan mangecek an 
“anak kau ba pacar,bialah putuih jo pacar e dek nikah jo urang nan kayo” 
Padahal pacar akak denai ko pun urang kayo juo nyo itulah nan namo nyo indak jodoh tu. Indak sampai di situ se do,duo tahun kamudian akak denai nan banamo pipah lah tibo lo jodoh nyo itu pun urang nan bisa di kecek an urang bapitih lo jadi etek nan banamo cidan tadi tu langsuang ngecek                “urang nan bapitih se minantu kau mah supik”                               nan namo nyo jodoh awak indak tau doo kan dan indak lo bisa pilih-pilih do itu pun akak denai nan pipah kobaralek mode nan dulu juo nyo etek-etek dapua tu hanyo mamporotan kami se,dek kami indak suko se cari masalah jadi kami padiaan se, sudah akak denai baralek inyo pun langsuang mambangun rumah  “umm baru sudah baralek langsuang se mambangun rumah anak kau mah”                    kecek etek-etek nan dakek rumah tu,nan namonyo rasaki awak indak tau do kan nyo tibo-tibo senyo, indak bara lamo sudah itu akak denai ko bali ameh lah  barupo kaluang,kaluang tu cukuik gadang lo di pakaian lah ka amak denai ko dek akak denai ko, babarapo bulan kamudian denai mandapek kamalangan yaitu amak denai nan ko maningga jadi kaluang tu di alihan ka ama denai ko dek akak denai ko    indak bara lamo sudah itu ado lah etek-etek ko namo nyo ita  etek tu emang indak suko se caliak ama denai ko indak tau apo sababnyo sampai-sampai etek ita ko mamfitnah ama denai ko selingkuh sempat bacakak ama jo etek ita tu jadi indak basapoan se sampai kini lai, dek busuak nyo hati etek ita tu sampai-sampai ama denai ko di kecek an e urang udik dek pakai kaluang nan gadang tu                                                              “pik mar tu pakai kaluang, gadang lo lakban e gai”                         dek saking busuak hati ee etek tu di paratian ee kaluang ama denai ko, ama denai ko dek takuik hilang makonyo mode tu tapi indak lo ado urusan e jo etek ita tu doo kan itu indak urusan inyo doo, manga keluarga denai se nan nyo ulik-ulik ee samantaro laki inyo bana nan selingkuh mah tapi inyo tutuik-tutuik an nyo urusan urang nyo ikuik-ikuik an nyo 
Indak sampai situ se do limo bulan sudah itu akak pipah denai ko mambali onda kecek etek-etek tu ka kami kan                        “onda baru mah” antaro inyo sanang atau hanyo iri see .  Sampai lah di titik dimano perekonomian keluarga denai alah agak barubah.
Roda baputa sajak perekonomian kami barubah disitu lah kami mulai di sagani kek urang kampuang ko lah mulai manyapo kami, nah baliak awak ka si etek cidan ko nan biaso nyo urg ee ndak pernah maminjam ka kami tibo-tibo lah inyo maminjam pitih ka kami padahal itu hal yang sabana mustahil bagi kami sekeluarga, samaso anak padusi nyo masih iduik di dunia ko inyo bisa di kecek an urang yang paliang bapitih karano anak nyo taruih mangiriman pitih begitu pun anak laki-laki nyo yang karajo di surabaya mangaleh baju, sajak anak padusi etek ko maningga mulai lah inyo indak bapitih lai dan anak laki-laki nyo pun indak jua bali galeh e lai pulang lah anak laki-laki etek ko ka kampuang baliak, anak nyo ko lah bekeluarga dan punyo ampek urang anak, jadi etek ko maminjam lah ka kami kebetulan ama denai ko cabuik julo-julo tibo lah etek cidan ko maminjam pitih nan biaso e inyo indak pernah maminjam pitih ka rumah baru kali itu lah inyo maminjam, menurut denai maminjam itu hal yang biaso nyo kan satiok manusia pasti punyo hutang dek denai maminjam tu hal yang biaso nyo tapi yang indak sero tu inyo sudah manggosipan awak tapi inyo maminjam ka awak itu hal yang sabana indak baik.
Indak hanyo urang kampuang denai se tapi dunsanak denai pun mode tu juo katiko kami indak ba punyo kami hanyo di lengah-lengahan sajo mode urang indak kenal padahal kami masih ado ikatan tali darah, 8 bulan yang silam katiko amak denai maningga indak surang alah e dunsanak denai nan tibo inyo tibo pas amak denai ka di mandian se itu pun indak ado dunsanak denai nan manolongan mamandian amak denai ko hanyo denai, jo akak ipar, jo ama samo kawan ama denai lah yang mamandian amak denai ko tapi dek denai indak masalah do, tapi nan denai heranan ko pusako yang dek ama denai nyo mintak nyo padahal kami indak saliang manyapo tapi tibo-tibo se inyo mintak bagian pusako tu, tantu kami indak nio ma agiahan do itu hak kami kan yang mambarasihan nyo pun ayah denai lo indak ado inyo nan manolong do bisa-bisa ee inyo mintak bagian ya kami indak nio do kan,dan rumah adik amak denai pun nan nyo mintak e gai supayo inyo bisa bakuaso di situ dek rumah adiak amak denai ko gadang ancak lo tanah nyo pun laweh lo dek itu mangko nyo di mintak nyo supayo inyo bisa mampagadangan rumah nyo nan ketek tu, indak sampai di situ se do,sanak denai ko mamintak tanah yang itu bagian untuak denai lai padahal untuak inyo alah sudah di bagian tapi nyo mintak tambah bagian dari tanah kami ko samantaro bagian tanah inyo alun di bangun lai hanyo pondasi se nan nyo bangun baru jadi niniak mamak kami ko tantu indak nio ma agihan lai do dek inyo indak mambangun do kan jaleh bana urang busuak hati nyo indak suko se mancaliak urang sanang kok dapek sanak denai ko se nan kandak nyo di turuik an harus inyo nan di duluan kalau dengan caro mode tu tantu lah urang indak nio ma agiahan nyo dengan caro yang busuak hati tu.
Dunsanak denai tu jaleh bana busuak hati nyo, dek apo nyo jaleh bana busuak hati nyo dek gara-gara inyo indak sasuai mandapek an tanah untuak inyo bangun rumah, jadi dek inyo sagetek dapek tanah mangko nyo mode tu nyo jadi ee indak suko mancaliak urang sanang lai supayo inyo mandapek an tanah nan lueh di tabang lah batang durian denai nan sadang babuah labek ko padahal itu indak kawasan inyo lai do tapi di tabang juo tanpa persetujuan dari kami, padahal durian tu lamak bana isi e nyo dek sanak denai ko busuak hati di tabang nyo lah. Indak sampai disitu se do di tanah batang rambutan alah jaleh itu indak ado hak nyo di tanam lah batang sarai sapanjang tanah tu, baa kok nyo tanam?  supayo inyo nan mandapek an tanah tu lai jadi inyo tanam lah sarai tu dek urang nan busuak hati tu.
Selain dari dunsanak denai, anak tetangga anak dari adiak nyo etek cidan tu labiah busuak hati nyo dari pado etek nyo ko, baa kok bisa mode tu? Karano inyo indak bisa mandapek an apo nan kami tarimo nan kami dapek an salamo ko. 
Jadi denai dari keluarga yang bisa di kecek an sederhana ko pasti lah punyo utang, kebetulan lah ama denai ko manyalang pitih lah ka urang tukang kredit namo nyo ante dona. Nah anak dari adiak cidan ko kris, jadi mangecek lah si kris ko ka ante dona tu kalau ama denai ko indak pambayia utang ”manga uni pinjaman ka pik mar tu,inyo indak pambayia utang do” inyo mangecek mode tu supayo inyo dapek pinjaman lo dari ante dona tu, dek karano inyo alah indak dapek manyalang ka ante dona tu lai dek busuak hati nyo di fitnah lah ama denai ko indak pambayia utang.                      Dek saking sibuk ee maurus iduik urang lain sampai-sampai inyo lupo kalau inyo ado lo hutang malahan inyo labiah parah dari pado ama denai lai, inyo mangecek an ama denai ko suko lari-lari kalau ado urang yang tibo managih utang ka rumah denai ko, padahal inyo surang yang mode itu dek busuak hati nyo jadi di fitnah lah kami kan supayo manutuik an kesalahan inyo nan mode tu. Tetangga- tetangga denai ko emang busuak hati see urang nyo indak suko mancalik kami labiah dari inyo sagetek, jan kan tetangga dunsanak surang pun mode itu pulo urang lain kalau dunsanak nyo lai bajaya juo pasti inyo bangga dunsanak e lah iduik sanang tapi kalau lah busuak hati pasti indak suko nyo do kalau dunsanak nyo tu labiah bapunyo dari pado inyo.
Selain busuak hati tetangga denai pun ba muko duo, di muko ama denai nyo elok-elok ngecek ka ama denai tapi di balakamg ama denai nyo mampakecek an ama denai di kecek an nyo lah ama denai banyak utang, pamaleh,suko pai raon se jo onda padahal,ama denai tu hanyo pai ka pasa jo ado paralu se nyo indak pai raon-raon tu do. Kadang denai heran mancalik tetangga nan mode itu susah se inyo mancaliak urg sanang. Wakatu itu ama denai mandoa kurban jadi ama denai ko nyo sabuik lah ka tetangga muko tu kalau kami mandoa malam ko di iyoan lah dek etek tu sudah itu,antah emang inyo indak namuah atau emang inyo sakik lah malam tu di sabuik lah ka ama denai ko kalau inyo damam padahal awal nyo, inyo sehat-sehat se nyo kan tibo-tibo se inyo damam padahal ama kami ko taruih nyo nolongan etek tu dalam rangka acara apo pun tapi inyo mode itu se.Bisuak pagi nyo etek tu kalua rumah nyo duduak lah nyo di teras rumah nyo tu sehat-sehat se etek tu nyo indak ado tampang-tampang urang damam nyo mode itu lah tetangga denai tu katiko kami indak ado tibo pas inyo ado acara pasti kami di kecek-kecek an nyo di ota-otaan lah kami ka tetangga sabalah tu kalau kami indak panibo indak panuruik urang padahal awal nyo inyo surang nan mode tu dulu.
Ado lo ciek lai tetangga denai rumah nyo di lakang rumah denai ko,jadi wakatu akak denai nan patamo baralek inyo lai tibo mancalik-calik tu lai tibo lo pas rumah denai baralek kan sudah urang baralek di rumah denai inyo sato lo indak manyapo denai dek inyo iri kalau akak denai baralek jo urang nan ba pitih, indak ado angin indak ado hujan kami indak se di sapo lai padahal awal nyo denai dakek bana jo akak-akak tetangga denai tu nyo tapi setelah baralek tu sado nyo barubah,dek karano busuak hati tadi ko lah.