Cerpen Jalan-jalan ka Jam Gadanh Bukittinggi

Oleh : Viola Ramadhani,  Mahasiswa Universitas Andalas

Ado anak nan banamo Salma, anak kelas duo SMA jurusan IPA, di kampuang Lubuk Tarok, Kabupaten Sijunjuang. Salma dari ketek alah acok mandanga tentang Jam Gadang, Lobang Japang, Pasa Ateh yang barado di Bukiktinggi. Tapi Salma ko alun ado pernah pai ka sinan ka Bukiktinggi, hanyo sago mancalik di Hp atau medsos lainnyo. Salma nio bana pai ka Bukiktinggi nan acok di sabuik urang tuonyo atau kawan-kawannyo di sakolah tapi salma alun bisa pai kasitu untuak jalan-jalan. Salma mampunyoi sahabat dari ketek nan banamo Nita, Salma jo Nita dari TK sampai SMA basamo taruih mangkonyo Nita sahabat Salma yang acok basamo susah sanangnyo.
Busuak paginyo Salma pai kasakolah samo Nita sahabatnyo,pai sakolah jalan kaki karano sakolah Salma dakek samo rumahnyo, sesampainyo di sakolah Salma jo Nita basobok kawanny, akhirnyo basamo-samo pai ka kelas duduak sampai manunggu guru masuak, Salma lagi asiknyo bacarito samo Nita jo kawannyo, tibolah pengumuman dari kantu guru, yaitu Pak Zul nan mangumumkannyo. Sontak Salma jo kawan-kawannyo diam sampai pengumuman nyo salasai di sampaikan.
Bel Sekolah babunyi “tenonet”
“Assalammuailaikum Anak-anak, bapak nio manyampaikan sabuah informasi bahwa bulan bisuak kito akan ado wisata edukasi ka bukiktinggi, sado anak-anak murid wajib pai, tujuan nan partamo kito kunjungi Jam Gadang talabiah dahulu baru beko kito pai ka tampek lain mode Lubang Japang dan sabagainyo.”
Anak-anak murid nan mandanga pengumuman nan di infokan gurunyo langsuang rami, basorak-sorak heboh, sanang rasonyo mandanga pengumuman tadi, dan ado juo nan langsng ma agiah kaba ka grupWhatsApp keluarganyo,ado nan alah marancang duduak jo sapo dan ado nan marancang outfitnyo apo dan lain sebagainyo nan mambuek kelas maheboh.
Salma hanyo tasenyum ketek, tapi dalam hatinyo sanang bana akhirnyo impian dari maso keteknyo tacapai karano salamoko inyo hanyo mancalik kawan-kawannyo sajo yang alah pai ka Jam Gadang Bukiktinggi atau hanyo mancalik di gambar sajo, Salma indak tabayang sarancak apo beko Jam Gadang mancalik aslinyo, sampai Salma bamanuang jo senyum-senyum saketek, sampai Nita batanyo ka Salma.
Nita: “Salma manga bamanuang sampai senyum-senyum sajo?” Tanyo Nita
Salma: “ indak baa do Nita, cuman mambayangkan saranak apo beko Jam Gadang kalau mancalik aslinyo.”
Nita: “pasti rancak bana maa, indak sabar awak lai, bisusak awak baduo duduak dakek yo duduak baduo”
Salma: “ iyoo Nita, tapi awak nio duduak dakek jendela bus di tapi yoo”
Nita: “ aman tuma Salma nan pontiang awak duduak baduo di Bus”
Salma jo Nita baraja di kelas, sampai jam palajaran abis dan waktunyo pulang karumah surang-surang, Salma jo Nita singgah sabanta di kadai mambali pop ice karan hari angek jadi awuih nyo mintak ampun, sasudahnyo mambali lanjuik bajalan sampai ka rumah surang-surang.
Nita: “daa Salma, awak masuak dulu salamaik istirahat Salma”
Salma: “iyoo Nita daaa, salamaik istirahat jugo”
Rumah Salma jo Nita jaraknyo hanyo saketek sajo, jadi acok pai sakolah jalan kaki basamo, pangganti olahraga untuak  malancarkan darah.
Duo hari sabalun ka pai Salma pai karumah Nita untuak batanyo apo-apo sajo baranng nan ka dibaok bisuak pas pai ka Bukiktinggi.
Salma: “ apo-apo sajo barang nan Nita baok ka Bukiktinggi tu bia awak indak ado ketinggalan barang atau lupo?”
Nita: “ hanyo baok tas sekolah sajo isi buku, pena, bekal, minum samo jajanan untuak di bus, sapo  tau nio mangunyah”
Salma: “ okey deh, mokasih infonyo Nita, awak pulang dulu”
Dan Salma pun baliak karumahnyo untuak manyiapkan barang-barangnyo.
Beberapa minggu kemudian
Hari nan ditunggu pun akhirnyo tibo. Hari Sabtu, tanggal 21 Juni 2025. Salma jago pagi untuak bakameh-kameh sabalun Salma pai ka Sakolanyo untuk bakumpu disinan, Salma langsuang mandi, nan ibunyo alah manyiapkan sarapan paginyo sabalun pai, nasi goreng jo talua dadar untuk dimakannyo kini sabalun pai. Dan di sediokan bekal untuk di jalan, Salma nan alah siap langsuang makan, salasai makan bapaknyo tibo manghampiri Salma.
Bapaknyo mambari uang saku untuk Salma pai ka Bukiktinggi: “iko uang saku untuak salma,bali nan paralu-paralu sajo di situ, nan pontiang isi paruik bali makanan nan dinio yo nak, jan lupo mambali ole-ole untuak adiak di rumah nak.” Kato si Bapak ka Salma
“iyo bapak, makasih bapak, bapak ibu salma pai dulu takuiknyo nan lain alah manunggu salma di sekolah, nan Nita lah mananti Salma dimuko.” Kato salma ka bapaknyo.
“ iyo nak hati-hati sajo di jalan jan lupo banyak badoa agar salamaik sampai tujuan” kato bapak jo ibunyo
Salma pai basamo sahabatnyo banamo Nita nan alah manunggu di muko rumahnyo, sesampainyo di sakolah bus alah parkir di muko sakolahnyo, anak-anak nan lain alah banyak nan tibo, sabalun mamasuki Bus anak-anak murid di ambik absen talabiah dahulu bia tau lengkap atau indaknyo, salasai ambiak absen dibuliahkan manaiki Bus.
 
Salma jo Nita balari-lari ma ambiak kursi di tangah, Salma duduak di kursi dakek jandela basamo sahabatnyo Nita, Salma jo Nita indak bisa dipisahkan ibarat  duo sarangkai bungo nan indak bisa dipisahkan. Dalam parjalanan dari Sijunjuang ka Bukiktinggi anak-anak di dalam Bus sangaik sanang di dalam Bus ado nan banyanyi, ado nan bacarito dan manikmati pamandangan alam nan sangat rancak,Salma nan mamandangi perjalanan nan sangat rancak di pandang di caliak ado sawah, bukik, rumah gadang jo awan nan rancak dan langik nan biru lawik.
Satalah lamo di perjalanan sekitar 3 jam man, anak-anak nn lain ala abih lalok karano litak dalam parjalanan nan cukuik jauh, setelah bus mamasuki ka kota bukiktinggi sado anak-anak tajago dari laloknyo dan mancalik di lua jendelanyo,Salma jago dari laloknyo basamo Nita, salma nan langsuang mancaliak ka jendela bus hati Salma babungo-bungo saking sanangnyo mancaliak Jam gadang yang salamoko Salma nanti, Salma langsuang mancari suduik untuak manjepret foto nan rancak untuak dokumentasi di hpnyo.
Pak Zul mambari panjalehan: “Jam Gadang dibangun sajak tahun 1926 sabagai hadiah dari ratu balando angko empatnyo ditulis ‘IIII’, indak ‘IV’, karano maikuti aturan dari eropa lamo.”
Salma mambatin “kalau awak indak kamari, mungkin awak indak akan tau fakta unik ko, ruponyo Jam Gadang tu hadiah dari Ratu Balando pado masonyo.”
Bus alah baparkir di tampek parkiran, anak-anak lainnyo alah abih turun dari Bus dan mulai mangalilingi Jam Gadang, ado nan alah pai balanjo, ka Pasa Ateh, Ramayana dan sebagainyo.
Salma jo Nita masi di dalam bus dan nio kalua dari bus untuak mancaliak Jam Gadang. “Salma, yuk pai bafoto dakek Jam Gadang” ajak Nita.
Salma” yuk, indak saba bana awak nio foto disitu, di lua ekspektasi awak ruponyo aslinyo labiah gadang jo rancak yo.”
Nita: “iyoo rancak bana yoo apolai cuacanyo sangaik mandukuang untuak bafoto di Jam Gadang”
Salma jo Nita pai untuak bafoto baduo tasenyum menawan ke arah kamera, satelah salasai bafoto, gurunyo ma informasikan untuak bakumpu sabanta di dakek Jam Gadang anak-anak muridnyo disuruah ngumpua di satu titik untuak bakumpua ma agiahan informasi salanjuiknyo. Pamandu wisata tibo dan ma ajak anak-anak murid lainnyo untuak bakaliliang lapangan, masuak ka pusat informasi pariwisata. Di sinan Anak-anak murid di tunjuak an video singkek sejarah Bukiktinggi jo pangaruh Jam Gadang sabagai ikon.
Satalah salasai dari pusat informasi pariwisata, rombongan di ajak pai makan siang di kadai nasi dakek Pasa, Salma jo kawan-kawannyo makan, ado nan makan samba randang, ado nan samba gulai ayam, samba lado mudo, minumannyo ado nan the taluah jo the es.
Salma: “lamak ruponyo sambanyo siko yoo, tagiah awak makannyo”
Kawan-kawannyo: “iyoo lamak kan, indak rugi rasonyo awak makan disiko”
Bapak guru: “capek abihan nasinyo, abis iko awak ka tampek lain.”
Salma jo kawan-kawannyo bagageh makan takuik beko di tinggahan gurunyo, alah siap sadonyo makan salma jo kawan-kawan pai ka tompek gurunyo. Gurunyo ma infokan abis iko awak samo kawan-kawan awak pai ka Lobang japang.
Sasudah makan, anak-anak muridnyo lanjuik ka Lobang Japang jo Taman Panorama. Tapi nan hati Salma masih tingga di Jam Gadang. Io mambatin: Jam Gadang tu bukan hanyo jam baso, tapi banyak kisah jo sejarahnyo, nan mambuek urang manjadi tampek cinto pertamo ka Jam Gadang.
Di Lubang Japang Salma jo Nita mancaliak jo mamparatian sakitarnyo, Salma litak dek bajalan dan ma ajak Nita untak istirahat di taman.
Salma: “Nita, awak panek rasonyo bajalan- jalan ko mari duduak sabanta di taman istirahat”
Nita: “ iyoo, awak panek lo capek lah ka situ awak duduak”
Di taman, Salma jo Nita duduak-duduak santai di taman, Salma nio macoret-coret buku catatan kecilnyo nio mancaritokan jalan-jalan hari ko isi coret-coret si Salma: “Bukiktinggi rancak,indah, rami, tapi teduh. Jam Gadang iolah bagai detak waktu nan sabana mengingatkan awak bahwa hiduik ko bajalan, io kota cinto, kota sejarah, kota awak nan indah.”
Sabalun Pulang, rombongan nan tadi di Lubuak Buayo di ajak pai ka Pasa Ateh. Salma mambali baju kaos bagamba Jam Gadang untuak adiak nyo, dan Salma mambali galang dari kayu, jo randang kamasan untuak urang gaeknyo di rumah, Salma mambali miniatur Jam Gadang dari kayu ukiran jo gantungan kunci atau tas.
“Untuak apo iko salma?” manunjuak ke miniatur Jam Gadang punyo Salma tanya Nita.
“Untuak di taruh di meja belajar, supayo setiok kali awak male baraja, awak ingek bahwa impian itu bisa wak gapai, dulu awak Cuma bisa mandang Jam Gadang di hp atau gambar samacamnyo, kini awak alah bisa sampai ka tampekyo.
Nita “ Nita nio juo la untuak di pajang di kamar nita bia nita samangaik baraja sampai impian nita tacapai dan iko sabagai contoh kato Salma.” Kato Nita
Sasudah nyo balanjo ole-ole untuak adiaknyo, Salma jo Nita pai ka tampek gurunyo jo kawan-kawannyo yang alah siap balanjo untuak ole-ole keluarganyo, gurunyo ma infokan untuak bakumpuah dakek parkir Bus tadi karano hari alah manunjuak an pukua 20.00 malam, dan waktu nyo untuak pulang  ka sijunjuang, sabalun mamasuki Bus gurunyo ma ambiak absen talabiah dahulu untuak macek anak-anak muridnyo alah lengkap atau alun.
Alah siap ma absen dan alah lengka sadonyo, dipabuliahkan untuak masuak ka dalam Bus dan duduk di tampek masing-masing tadi, satalah sadonyo masuak ka dalam bus, dan bus siap untuak barangkek.
Bus mulai barangkek maninggan Kota Bukiktinggi nan indah pado malam hari yang Jam Gadangnyo yang balampu warna-warni, dari kaco jendela Bus, Salma masi mancaliak ka balakang. Jam Gadang makin lamo makin ketek, sampai hilang dari pandangannyo Salma karano alah samakin jauh Bus malaju tapi dalam hati ketek Salma, Jam Gadang akan salalunyo gadang, bukan karano ukuranyo tapi karano makna jo sajarahyo.
Di dalam perjalanan nan lamo sakitar 3 jam man anak-anak murid nan ala panek manjalajah Bukiktinggi, alah abih lalok di ate Busnyo sampai tibo waktunyo di sakolah, sasampainyo bus di sakolah anak-anak murid di jagoan guru karano alah sampai di sakolahnyo.
Sesampai di sekolah, Salma jo kawan-kawannyo tajago dan langsuang bakamehan barang-barangnyo langsuang turun dari bus itu,Salma jo Nita langsuang manalepon urang gaeknyo untuak mamintak japuik karo hari lah malam nan manunjuak an hari lah jam 23.30. Sasudah manalepon urang gaeknyo tibolah bapak Salma untuak manjapuik selang bara dotiak tibo pulo bapak si Nata untuak manjapuik  Anaknyo dan Salma jo Nita baliak karumah.
Sasampainyo di rumah masiang-masiang Salma jo Bapaknyo masuak karumah, adiak jo ibu si Salma alah manunggu anaknyo pulang, Salma nan alah tampang panek tapi masih bisa manunjuak an ole-ole nan dibalinyo di Bukiktinggi tadi sore dan ma agihan oleh-ole untuak adiaknyo, adiaknyo maraso sanang satalah akaknyo ma agihan ole-ole untuak inyo.
Adiak Salma: “mokasiah akak sayang alah dibalihan adiak baju kaus nan rancak bana gambar nyo Jam Gadang”
Salma: “mosamo adiak akak”
Tapi satalah ma agiahan ole-ole Salma manunjuak an senyumnyo ka adiak jo urang gaeknyo karano impian Salma ka Bukiktinggi Jam Gadang alah tawujudkan dan Salma mancarition saketek baa perjalanan nyo tadi.
Di malam hari,
Sasudah ma agihan ole-ole Salma mambarasian badan jo pakaiannyo dan mangganti baju nyo ka baju lalok, satalah salasai Salma pai kakamarnyo dan duduak di meja belajarnyo, ma ambiak buku keteknyo dan manuli tentang Salma di Bukiktinggi tadi.
“Jam Gadang bukan hanyo tampek tapi iolah tujuan, tujuan dari impian sederhana nan kini alah tacapai dek awak sendiri, Impian nan salamoko awak tunggu-tunggu akhirnyo tacapai, samoga lain kali awak bisa pai ka situ , tapi bukan hanyo sebagai siswa atau pai jalan-jalan sajo, tapi sabagai pemandu atau peneliti sejarah minangkabau.”
Satalah salasai manuli di buku keteknyo, Salma pai ka tampek tidunyo untuak istirahat dan mamandangi miniatur nan dibalinyo tadi di Bukiktinggi dan salma sampai takolok di kasunyo.
Carito Salma iolah carito banyak anak kampuang, anak nan punyo mimpi sederhana, tapi dengan samangaiknyo, dukungannyo jo mimpi nan bisa manjadi kenyataan Salma. Jalan-jalan ka Jam Gadang bukan hanyo sakadar pajalanan wisata sajo. Iolah pajalanan hati, budaya, sejarah jo harapan.