Ketek Sanang Gadang Managih

Oleh: Alya Nabila,  Mahasiswa Universitas Andalas

Di sebuah nagari nan permai , hiduiklah sapasang laki bini nan kayo rayo. Urang tuo ko samo smo manggaleh, nan ciek manggaleh bareh dan ciek lai mambukak rumah makan Apo sajo nan diparalukan, acok bana lah tasadio sabalun pintak dibari. Dari sagalo harato nan malimpah, ado ciek mutiara hati nan paliang bakilau, namonyo riska Riska  lahia jo tangih nan manih, tapi tangih itu lah nan mambaok sanang ka duo urang tuonyo. Inyo anak padusi partamo , anak nan dirindu-rindukan. Dek karano itu, kasiah sayang urang tuo nyo  tumpah ruah ka riska . Apokah sajo nan dipintak riska , indak panah ado kato indak. Kalau riska  nio boneka baru, sapuluah boneka ka dibali. Kalau riska  nio baju rancak, sa lemari baju mode puti rajo ka ado. Inyo tak ubah puti raja di istananyo surang.

Satiok pagi, riska  ka bajalan-jalan di halaman rumah nan laweh tu. Bunyi kicau buruang manyambuik pagi,  mambuek hati tanang. Makanan nan lamak-lamak salalu tasadio di meja makan. Pado umua anam taun, katiko kawan-kawan sapantarannyo baraja manulih namo surang riska lah punyo guru privat nan mangaja inyo sagalo macam ilmu. Inyo diajaan  manggambar, manghituang mambaco,"Riska anak Amak jo Apak adolah cahayo iduik kami,". "Jan risaukan apo-apo, Nak. Tugas riska cuma sanang jo baraja."Riska tumbuah manjadi anak nan ceria, tapi saketek bana mangarati apo itu susahkan. Bagi inyo, dunia ko adolah taman bamain nan indah. Tiok hari libur, inyo ka dibaok Apak jo Amak jalan-jalan ka lua kota, ka tampek-tampek nan rancak pai liburan Kawan-kawan riska di sikolah acok bana takagum-kagum jo carito riska nan panuah galak jo sanang. 

Dan satiok hari ulang tahun riska taruih di rayokan maundang kawan kawan nyo dan hadiah nyo taruih rancak jo mewah kadang juo di baok pai liburan satiok nyo ulang tahun. Apo kandak nyo pasti di turuikan ."Ambo nio sapatu baru tu, Mak," kato riska  pado suatu hari. Langsung sajo amakbmaajak inyo ka toko sapatu paliang rancak di kota tu, mambalian sapatu nan paliang maha."Apak, ambo nio sepeda mintak riska , dan indak lamo kamudian, apak nyo pulang karajo lansuang mambali sepeda nan paliang rancak,Hiduik riska  ibaraik aia nan mangalia di sungai janiah, indak ado bancah, indak ado riak gadang. Sagalo nyo mudah, sagalo nyo luluasa. Inyo hiduik dalam balon kasiah sayang jo kamewahan nan indak panah pecah.

Tahun-tahun balalu, riska  kini lah baranjak gadang, lahia lah adiak riska di waktu riska kelas 3 sd yang jarak umua riska samo adiak nyo berjarak 8 tahun di situ keluarga riska manjadi tambah bahagia jo damai.Tahun-tahun balalu, Riska kini lah baranjak gadang, lahia lah adiak Riska di waktu Riska kelas 3 SD yang jarak umua Riska samo adiak nyo berjarak 8 tahun di situ keluarga Riska manjadi tambah bahagia jo damai. Namo adiak Riska tu  zahra anak padusi nan manambah raso malimpah ruah di hati kaduo urang tuonyo. Zahra lahia jo senyum manih, mambuek rumah samakin rami jo galak cito. Riska nan alah lamo mananti-nanti adiak, maraso sanang bana. Inyo acok bana mamangku zahra  mancinyo-cinyo, mambuek zahra galak takikiah-kikiah. Kasiah sayang Riska ka adiaknyo tak ado duo.

Kaluarga ko samakin makmur. Usaha kaduo urang tuonyo samakin maju pesat. Rumah makan apak Riska samakin rami, jo bareh dagangan amak Riska samakin laris manih. Harato jo kakayaan nan malimpah ruah indak mambuek urang tuonyo lupo jo pandidikan anak-anaknyo. Malah samakin maningkek perhatiannyo.Riska jo zahra tumbuah manjadi anak-anak nan cerdas. Di sikolah, namo Riska jo zahra selalu manjadi buah bibia guru-guru. Riska, nan alah lamo manjadi bintang kelas, indak panah turun prestasinyo. Nilai-nilainyo salalu nan paliang tinggi, dan inyo selalu mambuek bangga kaduo urang tuonyo jo piala-piala dan piagam piagam nan  mangisi lamari di rumah. Zahra pun indak kalah. Dek kapintarannyo, zahra Kaduo-duonyo indak panah kalua dari peringkat tigo gadang di sikolah, bahkan acok bana mandapek juara umum.

"Amak bangga bana jo anak-anak Amak," kecek Amak Riska suatu patang, sambia maelus rambuik Riska jo zahra nan sadang baraja di ruang kaluarga."Apak lahia batin bangga jo kalian. Taruihkan prestrasi kalian, Nak," tambah Apak Riska, jo mato nan panuah kasiah sayang.Riska jo zahra hanyo tersenyum. Bagi mereka, mambuek urang tuo sanang adolah kawajiban. Mereka indak panah maraso tabebani jo ekspektasi tinggi urang tuonyo, karano Riska jo zahra mampunyoi kamauan nan kuaik untuak baraja jo mangambangkan diri. Liburan sakolah salalu diisi jo acara jalan-jalan ka lua kota, maliek dunia nan labiah laweh, manambah wawasan jo pengalaman. Kaduo-duonyo tumbuah manjadi anak nan sarat jo ilmu pangetahuan.Dan salain ilmu di sekolah riska jo zahra pandai juo dalam agamo jo mangaji ka duo nyo samo samo pandai mangaji manghafal kaji.

Waktu taruih bajalan, Riska kini lah masuak ka bangku SMP. Di siko, Riska mulai marasokan raso nan balain, raso nan baru partamo kali manguniang di hatinyo. Namo raso itu adolah cinto.Di kelas 3 SMP, Riska batamu jo saurang siswa laki-laki nan banamo bintang adolah anak nan pandai, gagah, jo punyo senyum nan manih. Inyo adolah kawan sa angkatan Riska,  Partamo kali Riska maliek bintang di lapangan sikolah, matonyo langsuang tabaku. Bintang nan sadang main bola  nampak bana karismatik di mato Riska.

Satiok Riska ka lapangan inyo salalu baragak-ragak supayo bisa mancaliak bintang di tapi lapangan Kadang, inyo pura-pura maagiah semangat supayo bisa di caliak bintang Lambek laun,mereka mulai akrab. Bintang nan ramah, indak susah diajak mangecek. Mereka acok mangecek tantang palajaran, buku nan dibaco, tentang hobi bola si bintang  bahkan sasuatu nan labiah pribadi.Suatu sore, katiko mereka sadang duduak di bangku taman sikolah, bintang  mangatoan sasuatu nan mambuek hati Riska babunga-bunga."Riska, Ambo suko jo Riska," kato bintang , jo pipi nan agak sirah.Riska tasentak. Jantuang nyo badatak labiah kancang. Inyo indak manyangko bintang ka mangecek sasuatu nan mode itu."Bintang, Ambo juo suko jo bintang." baleh Riska, nan pipinyo lah sirah padam pulo.

Sejak saat itu, Riska jo bintang resmi manjalin kasih. Mereka manjadi pasangan nan acok bana mandapek iri kawan-kawan sikolah. Kaduo-duonyo samo-samo pandai, samo-samo populer, jo samo-samo punyo pribadi nan elok. Bintang  salalu manjago Riska, malindungi Riska dari hal-hal nan indak elok. Inyo acok maanta Riska pulang sikolah, manolong Riska dalam palajaran nan susah, jo mandanga curahan hati Riska. Riska maraso hiduiknyo samakin langkok jo adonyo bintang.

Urang tuo Riska, nan sabana nyo masih malarang riska dalam hal pacaran atau bamain kalua samo kawan kawan nyo kini mambebaskan Riska dalam manyuaroan kahandaknyo, indak mambatasi hubungan Riska jo bintang Mereka picayo jo Riska, picayo Riska bisa manjago diri jo mangarajoan nan tabaiak. Apak jo Amak Riska bahkan acok bana maajak bintang  makan malam di rumah. Bintang pun ditarimo elok dek kaluarga Riska. Zahra  adiak Riska, acok bana manggoda Riska jo bintang  mambuek suasan kaluarga samakin cair.Kisah cinto Riska jo bintang  taruih bajalan indah. Riska jo bintang  kini lah masuak SMA. Mereka masuak ka sikolah nan samo, bahkan di kelas nan indak jauah beda. Kabahagiaan Riska nampak samakin sampurna. Namun, takdir acok bana punyo carito nan indak disangko-sangko.

Pado suatu pagi nan dingin, katiko Riska jo zahra sadang siap-siap ka sikolah, Apak jo amak riska bercek cok adu muluik yang mambuek riska jo adiak nyo manjadi takuik dan manangih dan dari situlah masalah mulai bamunculan. Dari masalah ekonomi, masalah keluarga Sejak saat itu, kahidupan Riska barubah 180 derajat. Usaha Apak jo Amak Riska nan dulunyo makmur, mulai goyah.  banyak harato nan tapaso dijua. Rumah makan Apak Riska mulai kurang rami, jo dagangan bareh Amak Riska mulai manurun panjualannyo. Keuangan kaluarga manjadi sarat.Riska, nan sabalumnyo indak panah mangarati apo itu susah, kini mulai marasokan parit hiduik. Inyo musti baraja manghemat, musti baraja mangarati kondisi kaluarga. Kabiasaan lamonyo nan salalu mandapek apo nan dipintak, kini musti dibuang jauah-jauah. Inyo maraso takuik, maraso cemas, tapi inyo barusaha tatap kuaik di adok-an Amak jo zahra.

Hubungan Riska jo bintang pun mulai diuji. Bintang  nan salalu manjadi sandaran Riska, salalu ado di sampiang Riska di maso susah ko. Inyo acok mambawakan makanan untuak Riska jo kaluarganyo, manulung Riska baraja, jo manjadi pandanga setia. Namun, parubahan drastis dalam kahidupan Riska, mambuek Riska acok maraso minder. Inyo acok maraso indak pantas lai jo bintang nan hiduiknyo masih sanang.Pado suatu hari, sasudah pulang sikolah, Riska mangecek jo bintang "bintang  mungkin kito musti akhiri hubungan ko," kecek Riska, jo mato nan lah bacak-bacak.Bintang tasentak. "Manga Riska? Manga Riska mangecek mode itu?"Kahidupan Ambo indak samo jo dulu lai, Di. Ambo indak nio manyusahkan bintang" baleh Riska, sambia manyeka aia matonyo."Riska, Ambo indak paduli jo harato. Ambo suko jo Riska, Riska nan sabana Riska. Ambo nio ado di sampiang Riska, dalam senang jo susah," kecek bintang,s ambia mamacik tangan Riska.

Mendanga kato-kato bintang, Riska manangih. Inyo maraso lega, maraso bersyukur mampunyoi bintang. Hubungan mereka pun tatap bajalan, bahkan samakin kuaik. Bintang mambuktikan, cintonyo ka Riska indak hanyo diukur dek harato.Namun, ujian hiduik kaluarga Riska indak baranti di situ. Pado suatu patang, amak jo apak riska cakak adu muluik bahkan ado kekerasan dari apak riska ka amak nyo.Patengkaran itu mambuek suasana rumah manjadi paneh. Riska jo zahra nan mandanga patengkaran itu, maraso takuik.

"Manga Apak indak jujur sajak awal kalau bisnis kito hancua?" kecek Amak Riska jo suaro nan tinggi."Ambo indak nio Amak panik, makonyo Ambo tutupi!" baleh Apak Riska, nan suaronyo indak kalah tinggi.Patengkaran itu taruih balanjuik. Saketek-saketek masalah tabukak. Urusan utang piutang, rugi dalam bisnis, jo hal-hal pribadi nan indak panah Riska jo zahra tau sabalumnyo. Rumah nan dulunyo panuah jo galak jo cito, kini acok diisi jo patengkaran jo tangih.Riska maraso sadih bana. Inyo maraso kaluarganyo nan sampurna, kini lah hancua. Rumahnyo manjadi broken home. Inyo acok manyuruak di kamarnyo, manangih surang-surang. Zahra nan masih SD, nampak labiah pandiam dari sabalumnyo. Inyo acok batanyo ka Riska, "Kakak, manga Apak jo Amak acok bacakak?" Riska hanyo bisa mamaluak adiaknyo, tanpa bisa maagiah jawekan nan sapanuahnyo.

Prestasi Riska di sikolah mulai manurun. Inyo kurang fokus baraja, pikrannyo acok lareh ka masalah kaluarga. Guru-guru di sikolah mulai khawatir jo parubahan Riska. Bintang pun acok batanyo ka Riska, "Riska baik-baik saja?" Riska hanyo bisa manjawek "iya", walaupun hatinyo sadih bana.Sasudah manyalasaian SMA, Riska mamutuihkan untuak malanjuikkan kuliah. di salah satu universitas tanamo, walaupun nilainyo indak satinggi dulu. Riska maambiak jurusan nan sasuai jo minatnyo, tapi hati keteknyo masih maraso hampa. Zahra pun malanjuikkan sikolah di masih di sd dan inyo tatap mandapek juara umum. Zahra adolah panyemangat Riska.

Di maso kuliah, Riska marasokan bana apo itu namonyo "hidup sederhana". Inyo musti manghemat sagalo-galonyo. Makan di kantin kampus nan murah, naiak angkutan umum, jo indak bisa mambali barang-barang mewah mode dulu. Kawan-kawannyo di kampus acok mangecek tantang gaya hiduik mewah mereka, tantang liburan ka lua nagari, jo gadget tabaru. Riska hanyo bisa mandanga, kadang mancubo tasenyum.Inyo mulai manyasali hiduiknyo nan dulu. "Manga Ambo indak manyukuri apo nan lah Ambo punyo dulu?" batin Riska. "Adiak ambo, Rio, indak bisa marasokan kasenangan mode Ambo dulu. Inyo indak marasokan dibalian sapuluah boneka, sa lemari baju mode puti rajo, atau liburan ka lua nagari satiok ulang tahun." Riska maraso basalah. Inyo maraso indak adil jo zahra.

Di sisi lain, Apak jo amak Riska alah pisah rumah, tapi raso-raso indak ado harapan. Suatu malam, katiko Riska sadang pulang dari kampus, Amak Riska manelpon jo suaro nan manangih."Nak, Apak jo amak mamutuih kan untuak pisah..."Dunia Riska runtuh sakatiko. Ayah, jo ibu sosok nan salamo ko manjadi palindungnyo, nan salalu mamanjo Riska, nan salalu manuruti sagalo pintaknyo, Riska maraso kahilangan sosok keluarga cemara nan gadang bana. Inyo manangih sasak-sasak.Papisahan Apak jo ama riska mambuek kaluarga Riska samakin rapuh. Amak Riska maraso putuih asa, karano hiduik mereka samakin susah. Riska pun nampak sadih bana, karano inyo kahilangan sosok panutan. Namun, di tangah sagalo kasadihan itu, ado satu sosok nan salalu ado di sampiang Riska. Inyo adolah bintang 

Bintang nan kini alah bakarajo di sabuah pelabuhan gadang. salalu manyempatkan diri untuak mandanga curahan hati Riska. Inyo acok maajak Riska makan malam, atau sakadar bajalan-jalan untuak malapeh panek. Bintang  salalu mambari Riska dukungan moral, maingekan Riska untuak tatap kuaik jo optimis."Riska, Riska kuat.  Riska salamo ko alah bajuang untuak kaluarga," kecek bintang  suatu hari. "Ambo yakin, Riska bisa malewati sagalo cobaan ko."Kato-kato bintang mambuek hati Riska lambek laun taraso labiah tanang. Riska mulai manyadari, walaupun kahidupan mewahnyo alah hilang, tapi inyo masih punyo kasiah sayang dari urang-urang nan manyayanginyo. Inyo punyo Amak nan kuaik, zahra nan cerdas, jo bintang nan setia.

Babak Baru nan Penuh Bahagia Sasudah lamo nyo pisah Apak jo amak riska,Riska mamutuihkan untuak labiah fokus jo pendidikannyo jo mambantu Amak. Inyo baraja labiah kareh, karano inyo punyo tangguang jawab nan gadang untuak mambantu kaluarga. Bintang  pun salalu maagiah dukungan. Bintang mandapek promosi jabatan gajinyo pun samakin gadang. Bintang acok manolong Amak Riska jo zahra walaupun Riska salalu manyuruah bintang  indak paralu."Bintang Ambo bisa. Bintang  indak paralu bantu Ambo jo kaluarga," kecek Riska."Riska, Ambo nio. Anggaplah ko sabagai bukti kasiah sayang Ambo ka Riska jo kaluarga Riska," baleh bintang 

Lambek laun, hiduik Riska jo kaluarganyo mulai membaik. Amak Riska mulai marintis usaha ketek-ketekan baliak, dibantu dek Riska jo bintang .Riska maraso sadih, karano musti bajauhan jo amak jo adiak nyo zahra karano kuliah di lua kota,Tapi inyo bangga bana jo adiaknyo. Zahra jo ama  pun acok mangirim kaba ka Riska mangecek kalau mereka elok-elok sajo.Kini, Riska hiduik bahagia basamo amak jo adiak nyo zahra  Mereka tingga di rumah nan sederhana, tapi panuah jo kasiah sayang. Dan kebahagian riska batambah karano bintang taruih ado untuak riska dan bisa manjadi pengganti dari sosok ayah salamo ko.

Riska acok mangenang maso keteknyo, maso-maso inyo hiduik dalam balon kemewahan. Inyo mangarati kini, bahwa kasenangan nan sajati bukanlah tentang harato, tapi tentang kasiah sayang, dukungan, jo kabahagiaan nan dibuek basamo urang-urang nan dicinto. Ketek sanang dek harato, gadang manangih dek ujian, tapi kini Riska labiah sanang jo kabahagiaan nan sederhana, nan didapek dari parjuangan jo pangorbanan. Inyo mandapek pelajaran bahargo dari sagalo nan lah tajadi. Tangih nan dulunyo manyiso sadih, kini alah barubah manjadi tangih syukur.